Бюллетень

«Медиа Диалог» долбоорунун №9 маалыматтык бюллетени

«Медиа Диалог» долбоорунун маалыматтык бюллетени
Бишкек, 2020-жылдын 20 августу

«Медиа Диалог» долбоорунун алкагында биз Кыргызстан ММКлары үчүн «Шайлоо сандар менен: кандайча даярданып жана маалыматтын жардамында шайлоо тематикасын кандайча чагылдыруу керек» деген темага онлайн-тренингдерди баштадык, мында дата-журналистика боюнча эл аралык эксперт Вадим Макаренко шайлоо маалында жана андан кийин маалыматтар менен кандайча иш алып баруу керектиги туурасында өз тажрыйбасы менен бөлүштү. Сөз шайлоого арналган материалдарды өндүрүү ишин кандайча пландап, эмнесине көңүл буруу керектиги, атап айтканда: жарыялардын календарын кандайча түзүү керек; маалыматты кайдан жана кандайча издөө керектиги; жана маалыматты талдоо жана чечмелөө боюнча академиялык эксперттер менен ишти алдын ала жөндөп алуу эмне себептен маанилүү келет туурасында болду. Тренинг маалыматты талдоо, визуалдаштыруу жана жарыялоо куралы болгон Datawrapper менен иш алып баруусу менен өтүп жатат. Практикалык сабактарда басым 16 редакциянын өкүлдөрү алдын ала даярдап койгон жеке датасеттерди визуалдаштырууга жасалмакчы.

Демократия үчүн Европалык шериктиги «Медиа Диалог» долбоорунун алкагында Медиациянын улуттук борбору менен шериктикте конфликттик-сезимтал журналистика жана шайлоо маалындагы журналистиканын укуктук аспектилери боюнча тренингдерди уюштурду. Катар тренингдерин Чүй жана Ош облустарынан баштап, Медиациянын улуттук борбору 2020-жылдын ноябрь айына чейин журналисттер жана медиаторлор үчүн тренингдерин бүткүл республика боюнча өткөрмөкчү.

«Медиа Диалог» долбоорунун максаттарынын бири болуп Кыргызстандагы медиа чөйрөсүндөгү кырдаалды баалоодо бардык кызыкдар тараптардын пикирин эске алуу саналат. Буга байланыштуу июнь айында медиа эксперттер, журналисттер, редакторлор, менеджерлер, блогерлер жана жарандык активисттердин катышуусунда бир катар фокус топтор өткөрүлгөн эле. 19-августта фокус топтордун КРны ИИМ жана Маданият министрлигинин алдындагы Маалымат жана массалык коммуникация департаментинин, КРнын Маалымат жана туризм министрлигинин өкүлдөрү менен медиа сектордун өнүгүүсүндө мамлекеттик органдардын ролун жана маанисин талкууга алуу максатында жолугушуу өткөрүлдү.

 

Биздин “Медиа Диалог” долбоорубуз Европа Биримдигинин “Стабилдүүлүк жана бейпилдикке түрткү берүүчү куралы” аркылуу каржыланат жана 2021-жылдын аягына чейин уланат. Долбоордун максаты – Кыргызстандагы медиа секторду шайлоого чейинки, шайлоо маалындагы жана шайлоодон кийинки убакыттарда колдоо. Биз  медиа акторлордун Кыргызстандын жарандарына шайлоого байланыштуу так жана ынанымдуу контент тартуулашына түрткү берүүчү тренингдерди жана иш-чараларды өткөрөбүз.

Биз басма, онлайн жана телерадиоберүү тармагындагы ЖМКлар менен жана ошондой эле продюсерлер, журналисттер жана онлайн-активисттер менен иштешебиз. Биздин иш-чаралар алардын редакциялык стандарттарын жакшыртууга, санариптик жөндөмдөрүн арттырууга жана контент өндүрүүдө инновациялык методдорду колдонуусуна салым кошот. Биз ЖМК жана эдвокаси чөйрөсүндөгү социалдык пайдалуу долбоорлорго каражат бөлүү менен медиа уюмдарды колдойбуз.

Медиа секторду өнүктүрүүнү көздөгөн диалогдорубуз мамлекеттик органдардын өкүлдөрүн, парламенттин депутаттарын, жарандык коомдун уюмдарын, саясий партияларды өзүнө тартат. Биз ЖМК секторундагы өзүн-өзү башкарууну күчөтүп, аны мурдагыдан ийкемдүү, туруктуу, суроо-талапка ээ, таанымал кылуу максатында медиа коомчулук жана жарандык коом менен кызматташабыз. Биздин кастык тилине каршы  багытталган семинар жана гранттык колдообуз, өзүнө жалпыга маалымдоо каражаттарын, чечим кабыл алуучу жактарды, саясий партияларды жана депутаттыкка талапкерлерди камтыйт.

“Медиа Диалог” долбоорунун гранттык колдоосу Кыргызстанда улуттук контентти түзүү жана жогорку сапаттагы журналистиканы колдоо менен медиа-чөйрөнү өнүктүрүүгө жардам берет. Субгранттар медиа ишканаларга, коомчулукка демократиялык медиа-чөйрөнүн түзүүчүсү болгон сөз эркиндигин жана эркин пикир билдирүүнү колдоонун зарылчылыгын, кол жетимдүү маалыматтын баалуулугун түшүндүрүүчү эффективдүү эдвокасы кампанияларды өткөрүүгө мүмкүндүк берет.

Биздин программа ЖМКларды экономикалык көз карандысыздыкка жеткирүү максатында, монетизация тууралуу семинарлар, санарип контент өндүрүү боюнча инновациялык иш-чаралар жана жаңы медианы жаратуу  үчүн инновациялык демилгелерди камтыйт. Мындан тышкары биз Кыргызстандын журналистика багытында билим берген жогорку  окуу жайлары жана мекемелери менен иштешүүнү пландап жатабыз. Долбоорду ишке ашыруу үчүн медиа сферадагы эл аралык жана улуттук эксперттер чакырылууда.

Долбоор тууралуу кошумча маалымат,  азыркы жана болочок мүмкүнчүлүктөр жөнүндө маалымат алуу үчүн долбоордун кызматкери Асель Молдокматова менен байланышыңыздар: +996504222408 же эл.почта aselmoldokmatova@epd.eu , долбоордун жетекчиси Чолпон Ногойбаева +996504222407 cholponnogoibaeva@epd.eu

 COVID-19 га байланыштуу өнүгүп жаткан кырдаалда “Медиа Диалог” долбоору өз ишин ДСУнун көрсөтмөлөрүнө жана долбоорго катышкан өлкөлөрдүн ички тартибине жараша улантат.

Биздин максат бенефициарларыбыздын, эксперттерибиздин жана кызматкерлердин өмүрү жана ден соолугун вируска байланыштуу тобокелге салбастан, ошол эле учурда пландалган иштерди жана иш-чараларды аткаруу,  долбоордун максаттарынын ишке ашуусуна күч жумшоо жана бүгүнкү чектеген кыйын кырдаалда да долбоордун эффективдүүлүгүн сактоого аракет кылуу.

№9 маалыматтык бюллетени

Privacy Settings
We use cookies to enhance your experience while using our website. If you are using our Services via a browser you can restrict, block or remove cookies through your web browser settings. We also use content and scripts from third parties that may use tracking technologies. You can selectively provide your consent below to allow such third party embeds. For complete information about the cookies we use, data we collect and how we process them, please check our Privacy Policy
Youtube
Consent to display content from Youtube
Vimeo
Consent to display content from Vimeo
Google Maps
Consent to display content from Google
Spotify
Consent to display content from Spotify
Sound Cloud
Consent to display content from Sound